Íseifur Sjálfstæðisflokksson

Iseifur er ekki dáinn, kominn á kreik á ný.

Þetta skilgetna afkvæmi Sjálfstæðisflokksins vona ég að eigi eftir að verða að afturgöngu sem fylgir pabbanum og bræðrum sínum Gráðugi, Gírugi og Gleypugangi Sjálfstæðisflokkssonum.

Ég er þess viss að Jóhanna, Steingrímur og þeirra lið geti sent hann til pabba með því að klára málið sem fyrst.

 

 

Mogginn ætti að virða sinn breiða lesendahóp meira

Ég ráðlegg Mogganum að

- slíta tengslin við Sjálfstæðisflokkinn

- virða hinn breiða lesendahóp sinn, ekki bara Sjálfstæðismennina 

- vera gagnrýnin á alla flokka (Sjálfstæðisflokkinn líka) 

- auka fréttaflutning tengdan almenningi í landinu

- hætta alveg pólistísku trúboði

- hætta pólítíkum hroka og niðurlægjandi skrifum um aðra en sjálfstæðismenn

- stytta langhundana sem eru yfir heilar opnur (stundum skrifaðar af Hannesi Hólsteini)

- ráða skemmtilegan og ritfæran blaðamann í stað Agnesar 

- hafa meiri húmor fyrir lífinu og tilverunni

- gera alþýðumenningu hærra undir höfði á kostnað "hámenningar" 

- verða fyrsti fjölmiðill landsins sem er hlutlægur og fjallar heilstætt um mál

- fá fjárfesta sem standa upp í hárinu á núverandi eigendum sem fyrst (því annars fer blaðið á hausinn), best að gera Árvakur h.f. að alvöru almenningshlutafélagi. 

Þetta er meðal þess sem er nauðsynlegt ef Mogginn ætlar að lifa áfram. Fari blaðið þá leið að auka Sjálfstæðispólitíkina, neikvæðu skrifin um aðra en Sjálfstæðismennina, trúboð fyrir kvótaliðið og þá best settu o.s.frv. fer blaðið á hausinn enda er það að þrengja lesenda og stuðningshóp sinn í stað þess að útvíkka hann!

 

 

Segjum Mogganum upp og hættum að blogga þar

Fari svo sem þunglyndustu spár um ritstjóra Moggans rætist og Davíð Oddson verði ráðinn, munum við heiðurhjónin segja blaðinu upp eftir 20 ára áskrift. Það var af vandlega yfirveguðu ráði að verða áskrifendur, við erum bæði rótgróið vinsta fólk sem lætur sér ekki í léttu rúmi liggja siðblindu, stjórnmálaskoðanir sem eru fremur trúarbrögð en félagsleg og siðferðileg list sem við teljum stjórnmál eigi að vera. Morgunblaðið er að hluta til siðblint og talar máli þeirra sem betur mega sín. Sumir blaðamennirnir eru lélegir en aðrir skárri eins og gerist og gengur. Víðsýnin blaðsins hafði aukist um tíma og ég og aðrir kennarar áttum hauk í horni á erfiðum tímum þar sem Ólafur Stefensen var. Því er ég enn áskrifandi og blogga hér. þessu lýkur þegar og ef það reynist rétt að ritstjórnin eigi að færast í hendur vonds, siðblinds og hrokafulls fólks. 

Histería og fjölmiðlafælni Jóhönnu

Sjálfsagt er hópmóðursýki ein af eðlilegum afleiðingum bankahrunsins. Histerían um óhæfa ríkisstjórn, Icesave og allt hitt er mjög skiljanleg svo og grátur og gnístan tanna um fjárhag þeirra fjölskyldna, fyrirtækja og einstaklinga sem voru of grimmir í lánunum á undanförnum árum og hryllingsfréttirnar af fjárhagslegum gjörningum hinna áður oflofuðu íslensku fjármálamanna. 
Nú er að hægjast um, bankarnir að komast aftur á koppinn, umsókn um ESB líka, búið að finna sameiginlegar áherslur ríkis með vinnumarkaðnum, Icesave vonandi búið í bili og komin farvegur og möguleikar á að halda frekar áfram með leiðir fyrir þá skuldsettu, koma á atvinnuskapandi verkefnum og fjárfestingu. Innan tíðar kemur einnig í ljós hverjir eru ábyrgir fyrir hruninu og einnig er allt á fullu í rannsóknum á því sem var ólöglegt í fyrirtækjum og víðar.
Nei, enginn er að pæla í þessu enda skiptir þetta engu máli.
Um núverandi forystumenn ríkisstjórnarinnar heyrast helst ruddalega orðaðar yfirlýsingar Höskuldanna í framsókn eða hrokafullar skoðanir Illuganna í Sjálfstæðisflokknum. Jóhanna bullar og getir ekkert að viti, á að verja málstað Íslendinga út um heiminn betur, Steingrímur er að samþykkja Icesave að gamni sínu o.s.frv. 
Og af því að nú vantar nýtt tilefni til móðursýkiskasts þá er fjölmiðlafælni Jóhönnu notuð í það af fjölmiðlamönnum auk ofangreindra frammámanna stjórnarandstöðuflokkanna. 
Nú vitum við alveg hvað öllum mögulegum sjálfskipuðum finnst um Jóhönnu en hvað finnst fjölmiðlafólki t.d. um Þorgerði Katrínu, Illuga, Sjálfstæðisflokkinn sem ber enga ábyrgð á hruninu, Sigmund Daða, Höskuld, Eyglóu Harðar og pólistíska ábyrgð á því sem gerðist hér á undanförnum árum?

Ólíkar reglur ættu að gilda um orkuframleiðslu fyrir almenning og fyrir stóriðju.

Undarleg umræða um eignarhald orkufyrirtækja. Eins og það séu óumflýjanleg örlög að láta Árna Sigfússon stjórna því fyrir landsmenn að erlendir einkaaðilar eignist orkufyrirtæki með því að hans frumkvæði verði til þess að þessir Kanadamenn eignist Hitaveitu Suðurnesja. Er ekki hægt að breyta lögum og a.m.k kosti boða reglur sem ómerki hans gerninga í þessum efnum?

Af hverju er ekki rætt um það í sambandi við eignarhald á orkufyrirtækjum og auðlindum hér á landi að nauðsynlegast af öllu er að skilja milli þess að framleiða og dreifa orku til almennings annarsvegar og til stóriðju hinsvegar. Ef þetta væri gert er auðvelt að hafa eignarhaldið hjá innlendum aðilum (félagsleg eign að einhverju tagi) og spara þar greiðslu á auðlindaskatti og leyfa (erlendan) einkarekstur á þeim hluta sem framleiðir fyrir stóriðju og taka af drjúgan auðlindaskatt og leigu af því. 

Ég sé ekki betur en að þetta sé algerlega rökrétt og eitthvað sem flestir gætu sætt sig við. Líka svona væri hægt að koma á meiri samkeppni milli fyrirtækja sem almenningur kaupir orku af og einfalda samanburðin því að orkuverðir (dömpið) til stóriðjunnar flæktist þá ekkert fyrir í arsemismatinu.  

Vil að skatturinn fái 90% af launum yfir 1 milljón á mánuði

Okkur sem borgum nú fyrir Jón og hina útrásarmennina sem settu þjóðina á hausinn er misboðið. Það skiptir engu hver á þessar leifar af FL group, þetta eru ofurlaun sem engir eigendur íslenskra fyrirtækja hafa efni á, allavega ekki mórölsk efni.

Legg til að laun yfir 1 milljón á mánuði séu skattlögð 90%

Laun framkvæmdastjóra Stoða lækka um 70%

Hannes Hólmsteinn og Icesave

Ja, guði sé lof að það sést fyrir endann á þessu endalausa, vonlausa og sorglega Icesavemáli. Sjallar eru menn að meiri að taka ábyrgðina með stjórnarflokkunum, e.t.v. líta þeir í eigin barm í framhaldinu og reyna að axla þá ábyrgð sem þeir bera á bankahruninu, orsökum og afleiðingum. Bankastarfsemin og fjármálastarfsemin á Íslandi sem endaði með hörmungum má segja að hafi verið stefna Sjálfstæðisflokksins í framkvæmd þar sem hann fékk hjálp Framsóknar í að láta markaðinn ráða, þar sem einstaklingsframtakið fékk sín notið og ríkisafskipti og eftirlit voru illa séð.

Umræðan um Icesave undanfarna daga hefur verið sanngjarnari en áður. Flestir fjölmiðlamenn sem voru einhvernvegin með á þeirri skoðun að Icesave væri Steingrími og Jóhönnu að kenna hafa þagnað. Líklega er það Hannesi Hólmsteini að þakka.

Vita menn að "gong-maðurinn" á Austurvelli, Bjarni Hannesson er móðurbróðir Hannesar Hólmsteins?

 

Icesave afgreitt úr nefnd

Íhaldið hefur stolið....

Þarna kemur skýringin á því að ég finn ekki gleraugun mín, íhaldið hefur stolið þeim. Svona fer fyrir þeim sem passa ekki eigur sínar, íhaldið kemst með krumlurnar í þær og því hefur mín ástkæra þjóð farið illa út úr á síðustu misserum og árum.

Hattinum stolið af Hallgrími

Aumingja börn útrásarvíkinganna

Í morgum voru Kolla og Heimir (á Bylgjunni) að tala um hvort Kjartan Gunnarsson og aðrir sem bera mesta ábyrgð á bankahruninu og meðfygljandi afleiðingum, ættu að biðja þjóðina afsökunnar eins og Steingrímur J. hafði talað um í Hólaræðu sinni um helgina. Hlustendur hringdu í þau eins og voru á einu máli um að það væri það minnsta sem þeir gætu gert. Kolla þessi sem er að mínu mati dæmigerð nútíma (ung) fjölmiðlamanneskja sagðist ekki viss hvort.... og tjáði ítrekað áhyggjur af fjölskyldum útrásarvíkinganna! Þetta gæti birtnað á börnunum þeirra. Ekki orð um áhyggjur hennar að öðrum fjölskyldum. Svo kom klisjan um að dæma ekki fyrr en sekt er sönnuð.

Mér finnst þetta dæmigert fyrir þá sem standa fyrir opinberri umræðu í dag. 

Big brother is watching you-auglýsingin

Auglýsingin sem birtist í Mogganum með hótununum í garð stjórnarþingmannanna er með ólíkindum. Ef þetta eru ekki hótanir og ólýðræðisleg þátttaka í þjóðmálum þá veit ég ekki hvað.

Hvað ætlar þetta lið sem er sagt vera 40 þúsund manns á Facebook að gera við þá sem munu axla ábyrgð á að semja um Icesave?

Hvað ætlar sama fólk að gera við þá sem lögðu grundvöllin að og leyfðu Icesave og studdu sem ríkisvald og pólitískir flokkar að Icesave yrði til sem eru fyrst of fremst Sjálfstæðisflokkurinn og Framsóknarflokkurinn?

Hverjir standa á bak við þessar auglýsingar? Hver er þessi ópólitíski Gunnar Þórðarson?

Hvernig stendur á því að þessi ópólitík hans er studd af Vesþjóðviljanum og álíka frjálshyggju gengi?